Báıdibek turǵyny atasy soǵysta qoldanǵan «Mosına» qarýyn polıtsııaǵa tapsyrdy
TÚRKІSTAN. QazAqparat - Báıdibek aýdanynyń turǵyny E.Qydyrálıev atasynyń 1945 jyly Ekinshi dúnıejúzilik soǵystan alyp kelgen «Mosına» markaly oıyq uńǵyly qarýyn óz erkimen polıtsııaǵa tapsyrdy. Qazirgi ýaqytta qarý saraptamaǵa jiberildi. Nátıjesinde oǵan aqshalaı qarajat tóleý týraly sheshim qabyldanady, dep habarlaıdy QazAqparat tilshisi.
Túrkistan oblysynda zańsyz aınalymdaǵy qarý-jaraqty satyp alý aktsııasy ótip jatyr.
Máselen, sáýir aıynyń 25-inen bastap, 9 táýlik ishinde 57 turǵyn óz erikterimen 78 qarýdy Іshki ister organdaryna tapsyrǵan.
Onyń ishinde oıyq uńǵyly 11 qarý, tegis uńǵyly 65 qarý jáne 2 sholaq myltyq alynǵan.
Sonymen qatar, zańsyz saqtalǵan qarý men oq-dárini anyqtaý maqsatynda oblys kóleminde 1000-nan asa sharýa qojalyǵynda tekserý jumystary júrgizilip jatyr.
Sondaı-aq, turǵyndarǵa óz erkimen tirkelmegen qarýdy ótkizip, syıaqy alýǵa bolatyny jiti túsindirilýde.
«Eskerte ketetin jaıt, qolyndaǵy qarý-jaraqtaryn óz erkimen tapsyrǵan azamattar qylmystyq jáne ákimshilik jaýapkershilikten bosatylady. Sondyqtan zańsyz saqtalǵan, tirkelmegen qarýlaryńyz bolsa, tıisti organǵa tapsyryńyzdar», - delingen Túrkistan oblysy polıtsııa departamentiniń baspasóz qyzmeti taratqan habarlamada.
