Báıdibek aýdanynyń turǵynynan Kongo-Qyrym bezgegi anyqtaldy

ShYMKENT. QazAqparat - Shymkentte Kongo-Qyrym bezgegin juqtyrýy múmkin degen naýqastyń dıagnozy rastaldy. Dárigerler qazir qalalyq juqpaly aýrýlar aýrýhanasyna aýystyrylǵan turǵynnyń densaýlyq jaǵdaıy aýyr ekenin aıtyp otyr, dep habarlaıdy QazAqparat tilshisi.

Qalalyq sanıtarııalyq-epıdemıologııalyq baqylaý departamentiniń málimetinshe, búgingi kúnge naýqastyń jalpy jaǵdaıy ıntoksıkatsııa men gemorragııalyq sındromǵa baılanysty aýyr dárejede.

Aıta keteıik, Báıdibek aýdanynyń 46 jastaǵy turǵyny buǵan deıin asqazan-ishekten qan ketý dıagnozymen oblystyq klınıkalyq túsken edi. Oǵan qyrym qandy bezgegin juqtyrýy múmkin dep kúdik keltirilgen. Naýqas tez arada oqshaýlanyp, qalalyq juqpaly aýrýlar aýrýhanasynyń jansaqtaý bólimshesine jatqyzyldy. Al onymen qarym-qatynasta bolǵan 15 adam anyqtaldy. Onyń ishinde 9 adam - medıtsına qyzmetkerleri dárigerlerdiń baqylaýyna alyndy. Іndettiń aldyn alý maqsatynda keshendi epıdemıologııalyq, zooparazıtologııalyq jáne veterınarlyq aldyn alý is sharalary jalǵasýda.

Shymkentte Kongo-Qyrym bezgegi kúdigimen aýrýhanada jatqanyn habarlaǵanbyz.