Báıdibek aýdanynda «Aıaly alaqan» qaıyrymdylyq sharasy ótti
BÁIDІBEK AÝDANY. QazAqparat – Túrkistan oblysy, Báıdibek aýdanynda «Aıaly alaqan» qaıyrymdylyq sharasy ótti, dep habarlaıdy QazAqparat tilshisi.
Aýdandyq jumyspen qamtý jáne áleýmettik baǵdarlamalar bóliminiń kúndizgi qatynaý bólimshesinde tirkeýde turǵan búldirshinder ánnen shashý shashyp, túrli taqpaqtar aıty. Kelgen qonaqtarǵa oıyndar kórsetip, arnaıy daıyndaǵan kontserttik baǵdarlamalaryn usyndy.
Atalǵan sharaǵa qatysqan bólim basshysy Shadııarbek Otynshıev sóz sóılep, múmkindigi shekteýli búldirshinder men ata-analaryna jyly lebizin bildirdi.
«Qamshynyń sabyndaı myna qysqa ómirde árbir adam balasy shama sharqynsha aıaly alaqan men jan jylýyn ańsaıtyn jandarǵa qol ushyn bergenge ne jetsin. «Janashyrlyqqa jan rıza» demekshi, qamqorlyqqa muqtaj balalardyń janashyr qamqorshysy bolyp, saýaby zor qareketke atsalysý adamzattyń paryzy bolmaq. Búgingi sharaǵa atsalysyp, aq nıetter eselene túken «Aıaly alaqan» keshi aldaǵy ýaqytta da jıi uıymdastyrylatyn bolady», - dedi Shadııarbek Otynshıev.
Sharadan keıin búldirshinderge dastarhan jaıylyp, táttiler taratyldy.
