Báıdibek aýdanyna tartylǵan ınvestıtsııa kólemi 22 mlrd teńgeden asty
ASTANA. QazAqparat - Bıylǵy jyldyń 8 aıynda Báıdibek aýdanynyń ınvestıtsııa kólemi 22 mlrd 427 mln 100 myń teńgeni qurady. Al, ónerkásip óniminiń jalpy kólemi 1 mlrd. 824 mln. 300 myń teńgege jetip otyr. Búgin bul týraly Óńirlik kommýnıkatsııa ortalyǵynda ótken baspasóz máslıhatynda Báıdibek aýdanynyń ákimi Baqytbek Tanagózov málim etti.
Aýdan basshysynyń aıtýynsha, bıyl óńirde aýyl sharýashylyq óniminiń kólemi 9 mlrd. 936 mln. 200 myń teńgeni qurapty.
«2017-2019 jyldarǵa arnalǵan agroónerkásiptik kesheniniń damytý baǵdarlamasyna aıasynda aýdanda egistik jerdiń 88,9 myń gektary ıgerildi. Byltyrǵy jylmen salystyrǵanda bıyl egistik jerdiń kólemi 135 paıyzǵa ıaǵnı 23,1 myń gektarǵa artyq ıegirildi. Tamshylatyp sýǵarý tásilin 150 ga engizý josparlansa 2017 jyldyń 8 aıynda 164 ga engizilip, jospar 109,3 paıyzǵa artyǵymen oryndaldy», - dedi Baqytbek Tólenuly.
Budan bólek, aýdanda 19 birlik aýyl sharýashylyǵy kooperatıvteri qurylǵan. Búgingi tańǵa Boraldaı aýyldyq okrýgindegi «Úlken bulaq», Bógen aýyldyq okrýgindegi «Baıtah», Alǵabas aýyldyq okrýgindegi «Arystandy KZ» aýyl sharýashylyǵy kooperatıvteri nesıe alýǵa qujattaryn ótkizip, qarjylandyrylýda.
2017 jyldyń 8 aıynda «Jumyspen qamtý 2020 jol kartasy» baǵdarlamasynyń aıasynda «Yrys» mıkroqarjy uıymy arqyly 53 azamatqa 175 mln teńge nesıe berilgen. Nesıe alǵan azamattar 44 adamdy turaqty jumys ornymen qamtyp otyr.
