Baıdenniń bir baıandamasy – 300 myń dollar
NЬıÝ-IORK. KAZINFORM – AQSh-tyń burynǵy prezıdenti Djo Baıden kez kelgen is-sharada baıandama jasaý úshin uıymdastyrýshylardan 300 myń dollar talap etedi. Bul týraly New York Post basylymy habarlady, dep jazady TASS.
Basylymnyń málimetinshe, eger is-shara basqa qalada ótse, Baıden jeke ushaqpen ushyp barýy tıis jáne onymen birge bes kómekshisiniń de jol shyǵyndary tolyqtaı ótelýi kerek.
Aıta keterligi, Baıden surap otyrǵan soma AQSh-tyń 44-prezıdenti Barak Obamanyń 2017 jyly qoıǵan 400 myń dollarlyq baǵasynan 25 paıyzǵa az.
Soǵan qaramastan, eks-prezıdenttiń spıker retindegi tanymaldyǵy asa joǵary emes. Baıdenmen jumys isteıtin Creative Artists Agency (CAA) ony túrli is-sharalarǵa shaqyrýshylardy tabý qıynǵa soǵyp otyrǵanyn aıtqan.
Burynǵy prezıdent jaqynda, ıaǵnı prezıdenttik qyzmetinen ketkennen keıin alǵash ret kópshilik aldynda sóz sóıledi. Ol Illınoıs shtatynyń Chıkago qalasynda múmkindigi shekteýli adamdarǵa zań kómegin kórsetetin úkimettik emes uıym ótkizgen konferentsııada baıandama jasady.
NYP tilshisine pikir bildirgen burynǵy Aq úı qyzmetkeri Baıdenniń biraz álsiregenin atap ótken.
– Bul kórinisti kórý bizge aýyr tıdi. Men qadir tutatyn adamnyń qartaıǵanyn baıqadym, - deıdi ol.
2025 jylǵy 20 qańtarda Djo Baıden 82 jasynda prezıdenttik ókilettigin Donald Trampqa tapsyrǵan bolatyn. Onyń prezıdenttik merzimi kezinde jıi sózden jańylýy men ártúrli oǵash qylyqtary saıası qarsylastarynyń synyna ushyraǵan.
Aıta keteıik, Tramp Baıden jarııalaǵan raqymshylyqtyń kúshin joıǵan bolatyn.
Sondaı-aq Tramp burynǵy prezıdentti qupııa aqparatqa qol jetkizý quqyǵynan aıyrdy.