Baıden Tramptyń ınaýgýratsııasyna qatysatynyn málimdedi

ASTANA. KAZINFORM – AQSh Prezıdenti Djo Baıden 2025 jyldyń 20 qańtarynda ótetin jańa saılanǵan Prezıdent Donald Tramptyń ınaýgýratsııasyna qatysatynyn málimdedi, dep habarlaıdy Reuters agenttigi.

«Men, árıne, qatysamyn... Inaýgýratsııaǵa qatyspaǵan jalǵyz prezıdent – bul qyzmetke jańadan keletin adam (Tramp)», – dedi Baıden 19 jeltoqsanda bergen suhbatynda.

Ol sondaı-aq, Tramptyń 2021 jyly óziniń ınaýgýratsııasyna qatyspaǵanyn eske salyp, muny «balalyq áreket» dep atady.

Baıden sózinde: «Bizdiń demokratııalyq tártibimizdi qurmettemeýi onyń máselesi. Meniń mindetim – bıliktiń beıbit túrde ótýin qamtamasyz etý», – dedi.

Eske sala keteıik, 2021 jyly Tramp 150 jyldyq dástúrdi buzyp, Baıdenniń ınaýgýratsııasyna qatysýdan bas tartqan bolatyn. Bul qadam bıliktiń ótý kezeńin qıyndatty.

Alaıda, 2024 jylǵy saılaýdan keıin Baıden Trampty Aq úıde qabyldap, bul kezdesýdiń «jyly shyraıly» ótkenin málimdegen.

Osyǵan deıin Baıdenniń Angolaǵa barǵan AQSh-tyń alǵashqy prezıdenti retinde tarıhqa engenin jazdyq.