Baıden Trampty «saıası túrde túrmege jabýdy» usyndy
ASTANA.KAZINFORM - AQSh prezıdenti Djo Baıden Nıý-Gempshırdegi Demokratııalyq partııanyń saılaýaldy shtabyna barǵan kezinde Respýblıkalyq partııadan úmitker Donald Trampty «saıası turǵyda túrmege» jabýǵa shaqyrdy. Jazbany Sky News arnasy YouTube jelisinde jarııalady.
– Biz ony temir torǵa toǵytýymyz kerek, saıası túrmege jabýymyz kerek. Biz jasaýymyz kerek nárse osy, - dedi Djo Baıden.
Sonymen birge AQSh prezıdenti buǵan deıin respýblıkashyl kandıdatqa qatysty tergeýden alshaqtap, Trampqa qarsy qozǵalǵan qylmystyq isterde eshqandaı saıası astar joq ekenin túsindirip, sot tóreliginiń táýelsiz bolýyn talap etken.
Saıasatkerdiń bul pikirleri onyń burynǵy sózderimen ǵana emes, Demokratııalyq partııadan úmitker Kamala Harrıstiń áreketimen de kúrt qaıshy keledi. Mıtıngterde ol jınalǵandardyń Trampqa qatysty «ony qamaý kerek» dep urandaýyna jol bermeýge tyrysty jáne Ádilet mınıstrligi táýelsiz áreket etetinin atap ótti.
Buǵan deıin Kamala Harrıs Fox News arnasyna bergen suhbatynda Djo Baıdennen alshaq bolýǵa tyrysty.
AQSh-ta prezıdent saılaýy 5 qarashada ótedi. Bullfinch Group sońǵy saýalnamalaryna sáıkes, Donald Tramp óziniń demokratııalyq qarsylasy Kamala Harrısti 2%-ǵa (47%-dan 49%-ǵa) artta qaldyrdy.
Buǵan deıin Ilon Mask Tramp jeńilse, AQSh-taǵy saılaý sońǵy ret bolatynyn aıtqan. 2024 jyldyń shildesinen bastap Ilon Mask Trampty qoldaý komıtetine keminde 75 mıllıon dollar aýdardy.
