Baıden prezıdenttik básekeden bas tartpaıtynyn málimdedi
ASTANA. KAZINFORM – Djo Baıden prezıdenttik básekeden bas tartpaıdy, ol Aq úı úshin kúresti jalǵastyrýǵa nıetti. Onyń bul laýazymǵa laıyqtylyǵy týraly partııalastarynyń pikiri ekige bólindi, dep habarlaıdy Euronews.
Djo Baıden 2024 jylǵy prezıdenttik saılaýdy jalǵastyrady. Alaıda prezıdent ótken aptada Donald Trampqa qarsy debatty sátsiz ótkizgennen keıin oǵan degen qysym kúsheıe tústi.
Baıdenniń demokrat partııalastarynyń pikiri ekige bólingen: olardyń úshten biri prezıdenttiń qartaıýyna jáne densaýlyǵyna baılanysty onyń saılaýǵa qaıta túsýine qarsy.
«Men qobaljı bastadym»,-deıdi óziniń ylǵı demokrattarǵa daýys beretinin jasyrmaı aıtqan qyz.
«Men Baıdendi prezıdenttik saılaýǵa túsetin adamdardyń arasyndaǵy eń nashary dep oılamaımyn. Men kimniń úzdik shyǵatynyn bilmeımin. Alaıda men Baıdeniń jeńip shyǵatynyna senimdi emespin, meni alańdatyp otyrǵan da osy másele».
Sársenbi kúni Baıden 24 demokrat-gýbernatormen kezdesti. Olar prezıdentpen áńgimeden soń onyń densaýlyǵy jaqsy ekenin málimdedi.
«Ol prezıdent laýazymynda jumys isteı alady. Ol bul qyzmetti 3,5 jyl boıy óte qıyn jaǵdaıda atqardy. Biz ótken joldyń barlyǵynan ótti. Bizdiń eshqaısymyz da onyń beısenbi kúni sóılegen sóziniń kóńilden shyqpaǵanyn jasyrmaımyz. Biraq men oǵan áli de senemin, ol jumys istep jatyr»,-dedi Mınnesota gýbernatory Tım Valts.
New York Times basylymynyń jazýynsha, Baıden óziniń jaqtastaryna partııa músheleri men saılaýshylarǵa óziniń jumys isteýge qaýqarly ekenin dáleldeýge birneshe kún ǵana ýaqyty bary ekenin málimdedi. Eger ol senimge kire almasa prezıdenttikke kandıdat retindegi jaǵdaıy qıyndı túsýi múmkin.
