Baıden men Tramp Gaza máselesin birlesip sheshpek
ASTANA.KAZINFORM — AQSh prezıdenti Djo Baıden Aqúıde eki saǵatqa sozylǵan kezdesýde AQSh-tyń jańa saılanǵan prezıdenti Donald Tramptan Izraıl men HAMAS arasyndaǵy atysty toqtatý úshin birlesip jumys isteýdi surady, dep jazady Axios.
Djo Baıden sársenbi kúni Gazada tutqynǵa alynǵan amerıkalyqtardyń otbasy múshelerimen kezdesti. Ol óz kezeginde qyzmetindegi qalǵan eki aıyn Gazadaǵy jaǵdaıdy beıbitshilikke ákelgisi keletinin jetkizdi.
-Biz jańa komandamen ortaq maqsatta jumys isteýge, kepilge alynǵandardy bosatý úshin ujymdyq kúsh jumsaýǵa daıynbyz, — dedi Ulttyq qaýipsizdik jónindegi keńesshi Djeık Sallıvan.
Izraıl sheneýnikteri HAMAS áli de Gazada 101 adamdy kepilde ustap otyrǵanyn jáne olardyń keminde 50-i tiri ekenin aıtty.
Gaza densaýlyq saqtaý mınıstrliginiń málimetinshe, 43 myńnan astam palestınalyq qaza tapqan.
Buǵan deıin habarlaǵanymyzdaı Baıden men Tramp Aq úıde kezdesti.