Baıden men Tramp Aq úıde kezdesti
ASTANA. KAZINFORM — AQSh-tyń qazirgi prezıdenti Djo Baıden jańadan saılanǵan memleket basshysy Donald Trampty Aq úıde qabyldady, dep habarlaıdy Euronews aqparat agenttigi.
Baıden men Tramp bıliktiń birtindep aýysýyn talqylady. Bul — bılikti beıbit jolmen berýdiń dástúrli bóligi sanalady. Degenmen Tramp tórt jyl buryn atalǵan rásimge qatysýdan bas tartqan bolatyn.
Kezdesý barysynda Baıden Trampty qol alysyp qarsy aldy. Olardyń árqaısysy demokratııalyqtan respýblıkalyq ákimshilikke birtindep kóshýge ýaǵdalasty.
Sóz arasynda Baıden jańadan saılanǵan prezıdentti quttyqtady. Bul rette Tramp Baıdenge alǵysyn bildirdi.
Eske salsaq, buǵan deıin Tramp Ilon Maskty úkimettik tıimdilik departamentiniń basshysy qyzmetine taǵaıyndaǵany habarlandy.
Sondaı-aq, Ilon Mask Donald Trampty qoldaý úshin 200 mıllıon dollar jumsaǵany belgili boldy.
