Baıden men onyń áıeli 2023 jyly qansha tabys tapqany belgili boldy
ASTANA. KAZINFORM – AQSh prezıdenti Djo Baıden men onyń áıeli Djıl Baıden 2023 jyly 620 myń dollar tabys tapqan. Bul týraly Aq úıdiń baspasóz qyzmeti salyq deklaratsııasyna súıene otyryp habarlady.
Erli-zaıyptylar osy somadan 23,7% stavkamen 146,6 myń dollar federaldy tabys salyǵyn tólegen. Djo Baıden men áıeli olardyń úıi ornalasqan Delaver shtatynda da shamamen 30,9 myń dollar salyq tóledi. Sondaı-aq, Djıll Baıden ótken jyly Vırdjınııa shtatynda 3500 dollar salyq tólegen.
Ótken jyly Baıdender 17 túrli qaıyrymdylyq qoryna 20 myń dollar berdi. Onyń 5 myń dollary marqum ulynyń atymen atalatyn Bo Baıden qoryna berildi.
2022 jyly otbasynyń jyldyq tabysy 579,5 myń dollardy qurady. Bloomberg málimetinshe, 2023 jyly tabystyń artýy Soltústik Vırdjınııa qaýymdyq kolledjiniń professory Djıl Baıdenniń jalaqysynyń ósýine baılanysty. Áleýmettik saqtandyrý tólemderdiń joǵarylaýyna baılanysty tabys ta ósken.
