Baıden Meksıkadan kelgen zańsyz ımmıgranttardyń baspana suraý quqyǵyn ýaqytsha joıdy

ASTANA. KAZINFORM – AQSh prezıdenti Djo Baıden keıingi jyldary Meksıkadan kelgen mıgranttardyń rekordtyq deńgeıge jetken sanyn azaıtýǵa baǵyttalǵan jarlyqqa qol qoıǵanyn habarlady. Bul týraly VVS jazdy. 

AQSh shekarasyn zańsyz kesip ótken adamdarǵa AQSh-tan baspana izdeýge tyıym salynady», - dedi AQSh prezıdenti. 

Baıden ákimshiligi bul shekteý ımmıgratsııalyq qyzmetkerlerge elde zańsyz júrgen adamdardy AQSh-tan shyǵarýdy jeńildetetinin aıtty. 

«Osyǵan baılanysty Ádilet mınıstrligi isterdi jyldam qarastyra alady. Al, Іshki qaýipsizdik mınıstrligi Qurama Shtattarda bolýǵa zańdy sebepteri joq adamdardy tezirek syrtqa shyǵara alady», - delingen habarlamada.

Aq úı qandaı da bir derekterdi keltirgen joq, biraq Reuters-tiń ákimshiliktegi anonımdi derekkózge silteme jasaǵanyndaı, tyıym salý sharalary apta ishinde kún saıyn shekarada 2 500-den astam adam ustalǵan jaǵdaıda engiziledi. Bul sharalar shekaradaǵy kúndelikti ustalatyn adamdar sany 1 500-den azaıǵan kezde alynyp tastalady.