Baıden kıberqaýipsizdikke basymdylyq beriletinin aıtty

VAShINGTON – NЬıÝ-IORK. QazAqparat – AQSh-tyń saılanǵan, biraq áli qyzmetine kirispegen prezıdenti Djo Baıden úkimettik mekemelerge jáne jeke kompanııalarǵa jasalǵan úlken kıbershabýyldar týraly habarlamalar aıasynda kıberqaýipsizdikti «basty basymdyq» etýge nıetti ekenin málimdedi, dep habarlaıdy QazAqparat Bloomberg-ke silteme jasap.

«Biz áli kóp nárseni bilmeımiz, degenmen qazir úlken alańdaýshylyq týyp otyr», – dedi Baıden óz málimdemesinde.

«Anyqtap aıtar bolsam, ákimshiligim kıberqaýipsizdikti úkimettiń barlyq deńgeılerindegi basty basymdyqqa aınaldyrady. Biz bul zań buzýshylyqqa qarsy kúresti qyzmetke kiriskennen sátten basty basymdyqqa aınaldyramyz», – dedi ol.

Beısenbi kúni Kıberqaýipsizdik jáne ınfraqurylym qaýipsizdigi agenttigi kıbershabýyldardy federaldy, shtattyq jáne jergilikti úkimetter úshin, sondaı-aq mańyzdy ınfraqurylym nysandary men jeke sektor úshin «úlken qaýip» ekendigi málimdegen bolatyn. Agenttik hakerler jelilerge erekshe eptilikpen buzyp kirgen jáne olardy shyǵarý óte qıyn bolady dep málimdedi.

Jelige enýdiń osal tusy SolarWinds Corp kompanııasynyń Orion baǵdarlamalyq jasaqtamasy bolǵan. Ony memlekettik qurylymdar men jeke sektor keńinen qoldanady.

Hakerler Orion baǵdarlamalyq jasaqtamasynan bólek, jelige ený úshin basqa ádisterdi de qoldanǵan delinin otyr.