Baıden kezinde AQSh-ta azyq-túlik baǵasy 21 paıyzǵa qymbattady

ASTANA. KAZINFORM – Statıstıkaǵa súıensek, AQSh prezıdenti Djo Baıden bılikke kelgennen beri AQSh-ta azyq-túlik quny aıtarlyqtaı ósken, dep habarlaıdy Fox Business.

AQSh-tyń Eńbek statıstıkasy bıýrosynyń málimetinshe, ınflıatsııa úsh jyl burynǵy ýaqytpen salystyrǵanda keıbir azyq-túlik taýarlarynyń baǵasyn 21%-dan astamǵa ósirdi.

Baıden bılikke kelgennen keıin bir maıdyń quny 27%-ǵa ósti. Osylaısha, 2021 jyldyń qańtarynda sary maıdyń bir fýnty ortasha eseppen 3,64 dollardy qurady, biraq 2024 jyldyń aqpanynda onyń baǵasy 4,63 dollarǵa deıin ósti. 

Taýyqtyń tós etiniń baǵasy 26%-ǵa, 2021 jyldyń qańtaryndaǵy fýntyna 3,26 dollardan 2024 jyldyń aqpanynda bir fýnt úshin 4,11 dollarǵa deıin qymbattady. 

Aq nan osy jyldyń aqpan aıynda 30%-ǵa qymbattap, bir fýnty 2,01 dollardy qurady. 2021 jyldyń qańtarynda onyń baǵasy 1,55 dollar edi. 

Al aq qanttyń bir fýntynyń quny sońǵy úsh jylda 68 tsentten 98 tsentke kóterilip, jalpy 44 paıyzǵa ósti.

Azyq-túlik baǵasy birneshe sebepterge baılanysty ósýde, sonyń ishinde jetkizý problemalary, iri qara mal sanynyń azaıýy, qus tumaýynyń órshýi jáne jahandyq astyq tapshylyǵy bar.