Baıden Gaza sektorynda beıbitshilik ornatýǵa kúsh salǵany úshin Tramptyń maqtaýyn asyrdy
ASTANA. KAZINFORM — AQSh-tyń burynǵy prezıdenti Djo Baıden Aq úıdiń qazirgi basshysy Donald Tramptyń Gaza sektorynda beıbitshilik ornatý jolyndaǵy kúsh-jigerin joǵary baǵalady.
— Sońǵy 20 aman qalǵan tutqyn úshin, olar adam sengisiz tozaqty bastan ótkerip, aqyry óz otbasylarymen jáne jaqyndarymen qaıta qaýyshqanyna, sondaı-aq ólsheýsiz zardap shekken Gaza turǵyndary úshin — olar endi ómirlerine qaıta oralýǵa múmkindik alatynyna — men shyn júrekten rızamyn jáne qýanyshtymyn, — dep jazdy Baıden X paraqshasynda, — dep jazdy Baıden H-tegi paraqshasynda.
Burynǵy prezıdent atap ótkendeı, onyń ákimshiligi de kepilge alynǵandardy úılerine qaıtarý, palestınalyq beıbit turǵyndarǵa kómek kórsetý jáne soǵysty toqtatý úshin aıanbaı eńbek etti.
— Men prezıdent Tramp pen onyń komandasynyń atysty toqtatý týraly túpkilikti kelisimge qol jetkizýdegi kúsh-jigerin joǵary baǵalaımyn, — dep qosty ol.
Eske sala ketsek, Gaza sektoryndaǵy Izraıl men Palestına kúshteri arasyndaǵy atysty toqtatý týraly kelisim 10 qazan kúni jergilikti ýaqyt boıynsha tús kezinde (Astana ýaqyty boıynsha 14:00) kúshine endi.
Buǵan deıin Tramp Aq úıdegi Baıden portretiniń ornyna avtoqalam sýretin ornatqanyn jazǵan bolatynbyz.