Baıden amerıkalyqtardy sońǵy ret Rojdestvo merekesimen quttyqtady

ASTANA. KAZINFORM – Djo Baıden Amerıka prezıdenti retinde halyqty sońǵy ret Rojdestvo merekesimen quttyqtady.

- Men úshin búkil Amerıkany prezıdent retinde sońǵy ret baqytty Rojdestvo merekesimen quttyqtaý - úlken mártebe. Halqymyz búgin de, árqashan da erkindik pen mahabbattyń, meıirim men janashyrlyqtyń, izettilik pen ádeptilik nuryna umtylady dep senemin. Barshańyzǵa Qudaı razy bolsyn. Halqymyzǵa meıramnyń tynyshtyǵy men nury jaýsyn. Rojdestvo merekesi qutty bolsyn, - dep jazdy Djo Baıden prezıdenttik @POTUS X akkaýntynda.

Jańadan saılanǵan prezıdent Donald Tramp ta Truth Social áleýmettik jelisinde óz azamattaryn bylaı quttyqtady: «Bul bizdiń ómirimizdegi eń jaqsy Rojdestvo bolady, óıtkeni aldymyzda úlken ister kútip tur!» 

Sondaı-aq ol amerıkalyqtarǵa arnap beıneúndeý jarııalady.

- Men úshin Qurama Shtattardyń prezıdenti retinde Amerıka men álemdi Rojdestvo merekesimen quttyqtaý – úlken mártebe. Biz Rojdestvonyń shynaıy rýhy bizde bar nárse ekenin túsinemiz. Bul bizdiń kim ekenimizdi bildiredi. Árqaısymyz – Qudaıdyń balasymyz. Jyldyń osy ýaqyty - naǵyz qýanysh kózi. Bul ár Rojdestvony kóńildi etedi. Jyldyń osynaý qasıetti mezgilinde júrekterimiz Isany bizge jibergeni úshin Qudireti sheksiz Qudaıǵa alǵys pen madaqtaýǵa toly sózderimizdi arnaımyz. Ol óziniń ulyn dúnıeniń kinásin óteý úshin jiberdi. Búgin túnde biz Qudaıdan osy ultty jarylqaýyn suraımyz jáne biz árbir amerıkalyq azamattyń otbasyna Rojdestvoda qýanysh, úmit pen tynyshtyq syılaýyn suraımyz, - dedi Tramp.