Baıden álde Tramp – amerıkalyqtar kimge kóbirek senim artady

ASTANA. KAZINFORM - ABC News/Ipsos júrgizgen saýalnamaǵa sáıkes, amerıkalyqtardyń basym kópshiligi AQSh prezıdenti Djo Baıdendi taǵy bir prezıdenttik merzimge qalýy úshin tym kári dep sanaıdy, dep habarlaıdy ABC News. 

Amerıkalyq azamattardyń 86%-y bildirgen pikir boıynsha, 81 jastaǵy Djo Baıden ekinshi merzimge prezıdent bolý úshin tym kári. Saýalnamaǵa qatysqandardyń 62%-y 77 jastaǵy burynǵy prezıdent Donald Trampqa qatysty osyndaı pikir qaldyrdy.

Eki kandıdat jaqtastarynyń pikirleri qyzyǵýshylyq týdyrady: demokrattardyń 73%-y Djo Baıdendi tym kári dep sanaıdy, biraq respýblıkashyldardyń 35%-y ǵana Donald Tramptyń eń joǵary laýazymdy atqarýǵa jasy jetpeıdi degen pikir bildirgen. Al táýelsiz suralǵandardiń pikiri eń kesimdi boldy: Djo Baıdendi tym kári dep esepteıtin táýelsiz respondentter 91% bolsa, Donald Trampqa mundaı pikir aıtqandar 71% boldy.

Jańa saýalnama arnaıy prokýror Robert Gýrdyń ótken aptada jarııalanǵan baıandamasynan keıin júrgizilgen. R.Gýr óz baıandamasynda Djo Baıdenge onyń psıhıkalyq densaýlyǵyna qatysty kúmánǵa baılanysty keńsede bolmaǵan kezde qupııa qujattardy durys paıdalanbaǵany úshin aıyp taqpaýyn usyndy.

Vıtse-prezıdent Kamala Harrıs baıandamany «saıası astary bar» dep atady. Saýalnamaǵa sáıkes, amerıkalyqtar Donald Tramp (44%) Djo Baıdenge qaraǵanda (26%) ımmıgratsııa men Meksıka shekarasyndaǵy jaǵdaıdy jaqsyraq sheshetinine senimdi.

Amerıkalyq azamattardyń kóbi sondaı-aq Djo Baıdenge qaraǵanda eldegi qylmyspen kúres (41%-28%), ekonomıka (43%-31%) jáne ınflıatsııa (41%-31%) máselelerin sheshýde Dnald Trampqa kóbirek senim bildirip otyr.

Basqa negizgi máseleler boıynsha Djo Baıden túsik jasatý (37%-28%), densaýlyq saqtaý (38%-28%) jáne klımattyń ózgerýi (39%-22%) boıynsha máselelerdi sheshýde Donald Tramptan basym bolyp otyr.

ABC News/Ipsos saýalnamasy 9-10 aqpan kúnderi aǵylshyn jáne ıspan tilderinde 528 AQSh eresekteriniń kezdeısoq ulttyq tańdaýy arasynda júrgizildi.