Baıden AQSh prezıdenti retindegi qoshtasý sózin sóıledi

ASTANA. KAZINFORM - AQSh prezıdenti retindegi qoshtasý sózinde Djo Baıden amerıkalyqtarǵa baılyq pen bılikti olıgarhtar tobynyń qolynda shoǵyrlandyrý qaýpi týraly eskertti, dep jazady Euronews.

Baqylaýshylar men BAQ Baıden Ilon Maskty meńzep otyr dep esepteıdi.

Ol AQSh prezıdenti retinde halyqpen qoshtasý sózinde Amerıkaǵa úlken yqpal men bılikke ıe bolyp otyrǵan asa baılardyń olıgarhııasy qaýip tóndiretinin qaperge saldy. 

– Meni qatty alańdatatyn keıbir jaıttar týraly aıtqym keledi. Bıliktiń baılyǵy az adamdardyń qolynda shoǵyrlanýy qaýipti, - dedi Baıden.

Djo Baıden sóz arasynda «tehno-ónerkásiptik keshen» termınin qoldandy. 

17 mınýttyq sóılegen sózinde qyzmetten ketken prezıdent Donald Tramptyń nemese onyń aınalasyndaǵylardyń eshqaısynyń atyn ataǵan joq. Biraq Baıdenniń sózi anyq boldy. Mıllıarder Ilon Mask úkimettiń tıimdiligin arttyrý basqarmasynyń basshysy retindegi jańa qyzmetinen bastap Tramp ákimshiligine úlken yqpal etetinine kúmán keltirmeıtin jetkizdi. 

Sonymen qatar Baıden amerıkalyq demokratııalyq ınstıtýttardyń turaqtylyǵyna senetinin atap ótti. 

Ol óz joldaýyn halyqqa, otbasyna jáne prezıdent kezindegi qoldaýshylaryna arnady.