Baıden 39 adamǵa raqymshylyq jasap, 1500-ge jýyq sottalýshynyń jazasyn jeńildetti

ASTANA. KAZINFORM – AQSh prezıdenti Djozef Baıden beısenbi kúni 39 adamǵa raqymshylyq jasap, 1500-ge jýyq sottalýshynyń jazasyn jeńildetti. Bul – bir kúnde jasalǵan raqymshylyq sanynyń eń kóp kórsetkishi, dep habarlaıdy Sınhýa aqparat agenttigi. 

— Búgin prezıdent Djo Baıden birqatar sottalýshynyń jazasyn jeńildetkenin jarııalady, bul bir kúnde eń kóp jasalǵan raqymshylyq, 1500-ge jýyq amerıkalyq túzelýge múmkindik aldy, — dep habarlady Aq úı. 

Jazasy jeńildegen 1500-ge jýyq adam COVID-19 pandemııasy kezinde bir jylyn úıde ótegen.

— Ol sondaı-aq zorlyq-zombylyqqa qytysy joq qylymys úshin sottalǵan 39 adamǵa raqymshylyq jasady, — delingen Aq úı málimdemesinde. 

Bul termın kóbinese esirtki qylmysyna, alaıaqtyqqa nemese urlyqqa qatysty.

— Amerıka ekinshi múmkindik berýge qashan da daıyn, – dedi Djo Baıden. — Prezıdent retinde men ókinish bildirip, túzelýge nıetti adamdarǵa raqymshylyq jasadym. Bul olarǵa qoǵamǵa qaıta aralasýǵa, damýyna múmkindik beredi. Sonymen qatar, men zorlyq-zombylyqqa qytysy joq qylmystar, ásirese esirtkimen baılanysty sottalǵan adamdarǵa qatysty úkimdegi teńsizdikti joıý maqsatynda  shara qabyldadym, – dep atap ótti prezıdent.

Associated Press agenttiginiń habarlaýynsha, Aq úı basshysy buǵan deıin jazany jeńildetý týraly 122 jarlyq shyǵaryp, 21 adamǵa raqymshylyq jasaǵan. 

Jaqynda AQSh prezıdenti Djo Baıden eki qylmystyq is boıynsha kináli dep tanylyp, úkimin kútip otyrǵan uly Hanterge raqymshylyq jasady. 

Al AQSh-tyń jańadan saılanǵan prezıdent Donald Tramp qazirgi prezıdent Djo Baıdenniń uly Hanter Baıdenge raqymshylyq jasaýyn «ádiletsizdik jáne sottyń qateligi» dep atady.