Baıden 2024 jyly prezıdent saılaýyna túsetinin resmı málimdedi
Euronews-tiń jazýynsha, buǵan deıin Aq úıdiń 80 jastaǵy basshysy óz laýazymy úshin básekege túsýdi josparlap otyrǵanyn birneshe ret aıtqan bolatyn. Qazirgi ýaqytta demokrattar lagerinde onyń birde-bir salmaqty qarsylasy joq. Osyǵan qaramastan, BAQ-tyń habarlaýynsha, múddelester qatarynda Baıdenniń kandıdatýrasy asa shabytsyz qabyldandy.
Bı-Bı-Sı-diń málimetinshe, D.Baıden prezıdent saılaýyna túsetini jóninde úsh mınýttyq vıdeo jarııalady. Vıdeo «erkindik» sózimen bastalady.
Rolıkte Baıden abortqa ruqsat berý, demokratııa men saılaý quqyǵyn qorǵaý, amerıkalyqtarǵa áleýmettik kepildik berýdi óz kampanııasynyń basym baǵyty retinde sanaıtynyn atap ótti.
AQSh basshysynyń málimdeýinshe, daýys berýshilerde keleshek urpaqqa «kóbirek ne azyraq erkindik», «kóbirek ne azyraq quqyq» qaldyrýǵa tańdaý bolady.
«Amerıkalyqtardyń ár urpaǵy demokratııany qorǵaýǵa, jeke bas erkindigi úshin kúresýge, sóz bostandyǵy men azamattyq quqyq úshin kúresýge týra kelgen sátti bastan ótkerdi. Osyndaı sát biz úshin de týyndap otyr», - dedi Baıden.
