Baıdarkamen eskek esýde qazaqstandyq sportshylar Azııa chempıony atandy

ASTANA. KAZINFORM — Qytaıdyń Nanchan qalasynda ótip jatqan baıdarka men kanoede eskek esýden Azııa chempıonatynda búgin Qazaqstan quramasy qorjynyna bir altyn, bir kúmis, bir qola medal tústi.

Baıdarkamen juptyq synda 500 metr qashyqtyqta Olga Shmeleva men Irına Podoınıkova chempıon atandyi. Odan keıingi satyǵa Qytaı men Japonııa sportshylary ornalasty. 

Qazaqstandyq sportshylar uzaq jyldan beri ulttyq qurama sapynda synǵa túsip keledi. Qazirge deıin Azııa chempıonatyna 2007 jyldan beri birneshe márte chempıon atanǵan. 

Qurlyqtyq dodada Bekarys Ramatýlla 500 metrge baıdarkada jarysta ekinshi orynǵa turaqtady. Ol márege jaqyn qalǵanda Qytaı sportshysyna ese jiberdi.

Al kanoede 500 metrge eskek esýde qazaqstandyq sportshylar úzdik úshtikti túıindedi. Qurama sapynda Sergeı Emelıanov, Rýfına Iskakova, Tımofeı Emelıanov pen Margarıta Torlopovajarysqa shyqty. Atalǵan jarysta Vetnam quramasy chempıon atansa, Qytaı kúmis júldege qol jetkizdi.

Jalpy komandalyq esepte 9 altyn medalmen Qytaı kósh bastap tursa, odan keıingi oryndardaǵy azaqstan men Vetnamnyń 1 altyn medali bar.

Eske salsaq, budan buryn Azııa chempıonatynda baıdarkamen jarysta Stella Sýhanova kúmis aldy.