Baıdarkadan erler quramasy Olımpıadany aıaqtady

PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda búgin baıdarkada 500 metrge jarysta Qazaqstan erler komandasy shırek fınaldan ary asa almady.

Otandastarymyz Bekarys Ramatýlla men Sergeı Tokarnıtskıı juby atalǵan qashyqtyqty 1:37.58 sekýnd ýaqytta baǵyndyryp, márege sońǵy bolyp jetti.

Osylaısha, Bekarys pen Sergeı júldege talasa almaıdy.

Esterińizge sala keteıik, Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Olımpıadashylar 32 sport túrinen 329 medal jıyntyǵyn sarapqa salyp jatyr.

Qazir Qazaqstan quramasynyń qorjynynda 1 altyn, 1 kúmis, 2 qola medal bar.

Aıta keteıik, buǵan deıin Ámir Maımuratov quzǵa órmeleýden Olımpıada rekordyn jańartqanyn jazǵan edik.