Baıdarka jáne kanoede esý: qazaqstandyq Marııa Brovkova álem kýbogy kezeńinde «altyn» aldy
ASTANA. QazAqparat - Qazaqstandyq sportshy Marııa Brovkova Majarstannyń Seged qalasynda ótip jatqan baıdarka jáne kanoede eskek esýden álem kýbogynyń alǵashqy kezeńinde altyn medaldy jeńip aldy, dep habarlaıdy QazAqparat tilshisi.
Sportty damytý dırektsııasynyń baspasóz qyzmetinen málimdegendeı, otanasymyz Marııa Brovkova altyn C-1 sanatyndaǵy 1 000 metrge jarysta máre syzyǵyn 4 mınýt 49 sekýnd nátıjesimen birinshi bolyp kesti.
Odan keıingi satyǵa álem chempıonatynyń kúmis júldegeri majarstandyqtar Jofııa Kısban men Jofııa Katalın Chorba turaqtady.
Bul kezeń erteń, 14 mamyrda óz máresine jetedi.
18 jastaǵy el sportshysy Marııa Brovkova byltyr da osy Seged qalasynda ótken 23 jasqa deıingiler arasyndaǵy kanoe men baıdarkada eskek esýden álem chempıonatya qatysqan bolaty. Onda ol S-1 sanatynda 1 000 metr qashyqtyqta jeńimpaz atanǵan bolatyn.
