Baıdarka men kanoede esýden Álem chempıonaty: Qazaqstandyqtar jartylaı fınalda
NUR-SULTAN. QazAqparat - Vengrııanyń Seged qalasynda baıdarka men kanoede esýden Álem chempıonaty jalǵasýda, dep habarlaıdy QazAqparat Olympic.kz saıtyna silteme jasap.
Innı Klınova 200 metrge baıdarkamen esýden jartylaı fınalǵa ótti. Ol óz tobynda úshinshi oryn aldy. Sergeı Tokarnıtskıı 200 metrge baıdarkamen esýden Álem chempıonatynyń jartylaı fınalyna joldama aldy.
Sondaı-aq, kanoemen 200 metrge jarysýdan Tımýr Haıbýllın jartylaı fınalda baq synaıdy. Ol irikteý synyn óz tobyndaǵy birinshi orynmen aıaqtady.
Búgin kanoemen 1000 metrge jarysýdan aǵaıyndy Emelıanovtar synǵa túsedi. Sonymen qatar, tórt adamdyq baıdarkamen esýden irikteý kezeńi bastalady.
