Baıdarka men kanoe esý: Marııa Brovkova men Rýfına Iskakova 11-oryn aldy

PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda kanoe esýden Qazaqstan quramasynyń ókilderi Marııa Brovkova men Rýfına Iskakova Parıj Olımpıadasynyń jubanysh fınalynda baq synap, jarysty 11-orynda aıaqtady. 

Naqtyraq aıtsaq, eki adamdyq kanoemen 500 metrge jarysý saıysynyń B fınalynda Marııa Brovkova men Rýfına Iskakova el namysyn qorǵady. Nátıjesinde qazaqstandyq sportshylar óz tobynda 1:57:58 nátıjesin tirkep, úshinshi oryn alyp, jalpy esepte 11-satyǵa taban tiredi.

Aıta keteıik, ázirge Qazaqstan quramasynyń qorjynynda 1 altyn, 3 kúmis, 3 qola júlde bar.

Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Tórtjyldyqtyń basty dodasyna álemniń 205 elinen 10 500 sportshy qatysýda. Olımpıadashylar 32 sport túrinen 329 medal jıyntyǵyn sarapqa salyp jatyr.