Baıdaly aýylynda kólik qozǵalysy qalpyna keltirildi - Aqmola oblysy
KÓKShETAÝ. QazAqparat - Aqmola oblysynyń Arshaly aýdanyndaǵy Baıdaly aýylynda kólik qozǵalysy qalpyna keltirildi, dep habarlaıdy «QazAqparat» HAA tilshisi oblystyq ishik saıasat basqarmasyna silteme jasap.
Aýdan ákimi baspasóz qyzmetiniń málimeti boıynsha, aǵymdaǵy jyldyń 19-21 aqpany aralyǵynda qatty borannyń saldarynan Baıdaly aýlyna baratyn jol jabylyp, balalar ýaqytsha mektepke bara almady. Borannyń saldarynan qolda bar tehnıka isten shyǵyp, qar tazalaý jumystaryn odan ári qıyndatyp jiberdi.
Qazirgi kezde, «TNS-Agro» JShS K-700 tehnıkasy jóndelip, qar tazalaý jumystary odan ári jalǵasýda.
Baıdaly aýlynda turatyn 21 bala Birsýat orta mektebinde oqysa, 5 bala shaǵyn ortalyqqa barady. Oqýshylar mektep avtobýsymen tasymaldanady.
