Baıbek Naýryzbaı aýdany boıynsha atqarylǵan jumystardyń keshendi kartasyn jasaýdy tapsyrdy
ALMATY. QazAqparat - Almaty qalasy Naýryzbaı aýdany ákimshilik ortalyǵynyń qurylysy shilde aıynda aıaqtalady, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasaı otyryp.
Almaty ákimi Baýyrjan Baıbek Naýryzbaı aýdanynda ótkizgen kóshpeli jıynda salynyp jatqan jol, ınjenerlik jáne kommýnaldyq jelilerdiń barynsha sapaly bolyp, mezgilinde paıdalanýǵa berilýi tıis ekendigin eskertti.
Megapolıs basshysy jalpy atqarylǵan jumystar boıynsha Naýryzbaı aýdanynyń keshendi kartasyn jasaýdy tapsyrdy.
Aýdan ákimi Saıran Saıfedenov Naýryzbaı aýdanynyń qurylǵanyna úsh jyl tolýy kúni qarsańynda 1200 oryndy mekteptiń, 500 adam qatynaıtyn aýrýhananyń, aýdandyq ishki ister departamenti men ákimdik, HQKO, AHAJ, prokýratýra, sot jáne basqa qyzmettik mekemeler ornalasatyn nysandardyń paıdalanýǵa beriletinin aıtty. Búgingi kúni olardyń daıyndyǵy 80-90 paıyz kóleminde abattandyrylǵan.
