Baıbek medıtsınalyq mekemelerdi Izraıl men Germanııa kompanııalaryna berýdi usyndy
ALMATY. QazAqparat - Almaty qalasynyń ákimi Baýyrjan Baıbek «Atameken» QR UKP uıymdastyrǵan ІІІ jyl saıynǵy kásipkerler konferentsııasynda qaladaǵy medıtsınalyq mekemelerdi sheteldikterge berý qajettigin aıtty, dep habarlaıdy QazAqparat tilshisi.
«Almatylyqtar shetelde emdelýge 500 mıllıon dollar jumsaıdy. Olardyń deni Ońtústik Koreıa, Izraıl, Germanııaǵa barady. Menińshe, bizdiń medıtsınalyq mekemelerdi osyndaǵy bireýge bere salmaı, sol brendterge berý qajet. Biz baryp emdeletin brendterge berý kerek. Olarmen osynda kelip qyzmet kórsetý jaǵynan kelisý kerek. Sonda patsıentter jaǵy artady. Sebebi, vızaǵa, jolǵa, ushaqqa, sonda turýǵa aqsha jumsalady. Onymen qatar, emdelýge adam jalǵyz barmaıdy. Biz ashyqtyqty saqtaı otyryp, almatylyqtar senetin kompanııalar osynda keletindeı jaǵdaı jasaǵymyz keledi», - dedi Baýyrjan Baıbek.
Aıta keteıik, búgin Almaty kásipkerleriniń jyl saıynǵy konferentsııasy ótip jatyr. Kún tártibinde Almaty qalasy kásipkerligi damýynyń negizgi basymdyqtary onyń ishinde memlekettik-jekeshelik áriptestik, jekeshelendirý, týrızm damýy, bıznes-ortany qalyptastyrý usynystar boıynsha máseleler talqylanýda. 
