Baıbek Qaraǵandy oblysynda «Dıplommen aýylǵa» baǵdarlamasynyń tıimdiligin atap ótti
«Nur Otan» Tóraǵasy Birinshi orynbasarynyń aıtýynsha, Memleket basshysy Qasym-Jomart Toqaev jarııa etken «Ózgerister joly: Ár azamatqa laıyqty ómir!» atty Saılaýaldy baǵdarlama aıasynda oblysta 5 jylǵa josparlanǵan 1814 is-sharanyń 25%-ti oryndalǵan. Jyl basynan beri 308 myń sharshy metr turǵyn úı, 72 km gaz qubyry, 46 km sý qubyry jáne káriz jelileri salynǵan, 1,4 myń km jol jóndeýden ótken. 4 jańa mekteptiń qurylysy aıaqtalýda. Kásipkerlikti damytý maqsatynda 60,4 mlrd teńge somaǵa myńnan astam jobaǵa qarjylyq qoldaý kórsetilgen. 20 myńnan astam jumys orny ashylǵan.
Saılaýaldy baǵdarlamada aýyldyq jerlerdegi daryndy balalardy anyqtap, qoldaý kórsetýge erekshe nazar aýdarylǵanyn eskere otyryp, Baýyrjan Baıbek fılıal tóraǵasy, oblys ákimi Jeńis Qasymbekpen birge Osakarovka kentindegi «Jastar» balalar-jasóspirimder ortalyǵy janyndaǵy jańartylǵan tehno ortalyqta boldy.
«Saılaýaldy baǵdarlamany iske asyrý aıasynda munda kúrdeli jóndeý júrgizilip, zamanaýı jabdyq satyp alynǵan. 654 bilim alýshy úshin 26 tegin úıirme, onyń ishinde baǵdarlamalaý stýdııasy, robototehnıka, jasandy ıntellekt, balama energetıka zerthanalary jáne basqalary qoljetimdi. Oqytýshylar arasynda «Dıplommen aýylǵa» baǵdarlamasy aıasynda týǵan jerine oralǵan Nur-Sultan, Almaty jáne Qaraǵandy qalalary joǵary oqý oryndarynyń túlekteri kóp ekenin atap ótkim keledi», – dep jazdy ol Facebook-tegi paraqshasynda.
«Nur Otan» Tóraǵasynyń Birinshi orynbasary atap ótkendeı, aǵa býynǵa qamqorlyq tanytý – partııa basymdyqtarynyń biri. Búginde Qaraǵandy oblysynda 200 myńnan astam egde jastaǵy adam turady. Sondyqtan Qarttar kúni qarsańynda ol Qaraǵandyda «Ardagerlerdi ardaqtaıyq» partııalyq jobasy aıasynda ashylǵan Belsendi uzaq ómir ortalyǵynda boldy. Munda aǵa býyn úshin lıngafon synyptary, bı jáne sportpen aınalysý zaly, sondaı-aq shyǵarmashylyq jáne oqý synyptary qoljetimdi. Qart kisilerdi belsendi qoǵamdyq ómirge tartý úshin mundaı ortalyqtar búkil el kóleminde ashylatyn bolady.
Baýyrjan Baıbek óz postynda partııanyń saılaýaldy baǵdarlamasynyń taǵy bir mańyzdy baǵyty – erekshe qajettilikteri bar balalardy qoldaý jaıly atap ótti. Onyń aıtýynsha, Elbasy tapsyrmasymen qolǵa alynǵan «Kedergisiz keleshek» jobasy aıasynda 2025 jylǵa deıin kolledjder men joǵary oqý oryndarynda, sondaı-aq mektepter men mektepke deıingi uıymdardyń 70%-tinde ınklıýzıvti bilim berýdi endirý boıynsha mindet qoıylǵan.
«Osy bastamany júzege asyrýǵa «Bolashaq» korporatıvtik qory ólsheýsiz úles qosýda. Búgin Qaraǵandyda №5 jáne №102 mektepterde ınklıýzııany qoldaý kabınetterine baratyn oqýshylardyń ata-analarymen kezdestim. Ata-analardyń aıtýynsha, zamanaýı ádistemeler men bolashaqtyqtar oqytqan mamandardyń arqasynda balalardyń áleýmettik jáne akademııalyq daǵdylary jaqsaryp, minez-qulqyndaǵy problemalary azaıǵan», – dedi ol.
Jalpy, «Bolashaq» qory óńirlerde 59 mamandandyrylǵan ońaltý mekemelerin ashyp, jabdyqtaǵan, onyń ishinde 22 qalada 43 ınklıýzııany qoldaý kabıneti bar. 2 myńnan astam erekshe bilim alýǵa qajettiligi bar bala qamtylǵan. Olardyń kópshiligi sóıleýdi úırenip, óz betinshe oqýǵa kóshken, ártúrli jarystar men olımpıadalardyń júldegerleri atanǵan.
Osy oraıdy paıdalana otyryp, Baýyrjan Baıbek erekshe balalardyń ata-analaryna «Bolashaq» qory aǵylshyn tilinen qazaq tiline tikeleı dýblıajdaǵan mýltfılmderdiń dıskilerin tartý etti. Elbasynyń tikeleı qoldaýymen bolashaqtyqtar «Ózińnen basta» jobasynyń aıasynda sońǵy 10 jylda eń joǵary standarttar boıynsha memlekettik tilge 37 kınokartınany dýblıajdady.
Sol kúni partııa Tóraǵasynyń Birinshi orynbasary Qaraǵandy, Shyǵys Qazaqstan jáne Pavlodar oblystarynda saılaýaldy ýádelerdiń iske asyrylý barysyn qarastyryp, onlaın-formatta keńes ótkizdi. Taldaý kórsetip otyrǵandaı, jekelegen tarmaqtar boıynsha jyl sońyna deıin oryndalmaı qalý qaýpi týyndap otyr. Baýyrjan Baıbek fılıaldar basshylyǵy men máslıhattardaǵy fraktsııalardyń nazaryn osy baǵyttaǵy jumystardy kúsheıtý qajettigine aýdardy.
