Baıbek Gonkong basshylyǵymen ınvestorlar tartý jóninde ýaǵdalasyp qaıtty
Almaty ákimi Baýyrjan Baıbek Gonkongqa jumys sapary barysynda óńirdiń memlekettik jáne isker ortasymen birqatar ekijaqty kezdesýler ótkizip, Gonkong ákimshiliginiń basshysy Kerrı Lammen júzdesti.
Taraptar ınvestıtsııalyq jáne týrıstik salalar boıynsha yntymaqtastyqty nyǵaıtý máselelerin talqylady, qala qurylysy salasy men smart- tehnologııany engizý boıynsha tájirıbe almasty.
Kezdesý barysynda Kerrı Lam Almaty ekonomıkasy Gonkongtaǵydaı túrli servısten, saýdadan, qarjy qyzmeti men logıstıkadan quralatyndyǵyn, sonyń arqasynda turaqtylyq qamtamasyz etilip, qala ınvestıtsııa tartý úshin tartymdy bolatyndyǵyn atap ótti.
«Almaty - óńirdiń qarjy jáne mádenı ortalyǵy ári bizdiń elimizdiń mańyzdy seriktesi bolyp tabylady. Prezıdentterińiz N. Nazarbaevtyń ıntegratsııalyq saıasaty arqasynda aımaqta Eýrazııalyq ekonomıkalyq odaq quryldy. Onyń naryǵyna 180 mln adam engen, bul ınvestorlarǵa zor múmkindik beredi. Men Almatyny ınvestıtsııa salýǵa ábden laıyq qala dep sanaımyn. Kezinde bizdiń basty ınvestıtsııalyq saıasatymyz Gonkongke ınvestıtsııa tartý bolatyn, al qazir biz ınvestıtsııany basqa elderge salatyn óz kompanııalarymyz ben kásiporyndarymyzdy yntalandyryp kelemiz. Biz jańa naryqty izdeýdemiz jáne ınvestıtsııa salý úshin esigimizdi aıqara ashamyz. Investıtsııadan ózge eki jaqqa da paıdaly týrıstik aǵymdar bar. Ekonomıkalyq sýbekt bolǵandyqtan biz Qazaqstanmen, sonyń ishinde Almatymen mádenıet, bilim, saýda jáne ekonomıkalyq salalar boıynsha yntymaqtastyqty nyǵaıtýǵa yntalymyz. Men óz tarapymnan eki jaqty baılanystyń damýyna yqpal etemin», - dedi K.Lam.
Almaty ákimi Baýyrjan Baıbek qalada ınvestıtsııa men gonkongtik kompanııalardyń tájirıbesin qajet etetin birqatar iri ınfraqurylymdyq jobalardyń qolǵa alynǵanyn aıtty.
«Búgingi kúni Qazaqstanda álemniń damyǵan 30 eliniń qataryna ený úshin Memleket basshysynyń bastamasymen «Qazaqstan 2050» strategııasy baǵdarlamasy oıdaǵydaı júzege asýda. Bizdiń Prezıdentimiz «Tsıfrlyq Qazaqstan» baǵdarlamasyn engizýdi aldymyzǵa mindet etip qoıdy. Qazirgi kezde Almatyda «Smart city» jobasy iske asýda, onyń basty baǵyty - qaýipsizdik, densaýlyq saqtaý, bilim, TÚKSh jáne kólik reformasy. Bizge Gonkongtyń osy salalarda smart-tehnologııany paıdalaný tájirıbesi mańyzdy. Bulardan ózge, Almaty ınvestıtsııa tartý boıynsha úlken jumystar júrgizýde. Eger «Doing Business» reıtınginde Gonkong 4-orynda tursa, álemniń 190 eliniń ishinen Almaty - 36-orynda. «Bir tereze» qaǵıdaty boıynsha biz Almatyǵa kelgen ınvestorlarǵa jobalaryn júzege asyrý úshin barlyq kómekti kórsetemiz. Ortalyq Azııanyń 65 mıllıondyq, Eýrazııalyq ekonomıkalyq odaqtyń 180 mıllıon adamy bar naryǵy qyzyqtyratyny sózsiz. Eger kásiporyn Almatyda ornalassa bular qojetimdi bolady. Mysaly, ótken jyly Prezıdentimiz telekópir arqyly Almatyda Japonııanyń «Tokyo Rope» zaýytyn ashty. Bir tapsyrystyń ózi ǵana zaýytty salýǵa jumsalatyn shyǵynnan bes ese artty. Qazir bul kompanııa óz ónimderin tek Orta Azııaǵa ǵana emes, sonymen qatar BAE, Reseıge jiberýde. Búgingi kúni kompanııa Almatyda úshinshi zaýytyn salýda. Biz gonkongtik ınvestorlarǵa da barlyq jaǵdaıdy jasaımyz», - dedi Baýyrjan Baıbek.
Almaty ákimi Baýyrjan Baıbek jumys sapary barysynda Gonkongtiń ınvestıtsııa jáne tehnologııa boıynsha hatshysy Nıkolas ıAngpen, Qytaı óndirýshileriniń «The Chinese Manufacturers Association» qaýymdastyǵymen kezdesti. Bulardan ózge Almaty delegatsııasy ǵylymı jáne tehnologııalyq park jónindegi Gonkong korporatsııasynyń jumysymen de tanysty. Taraptar startaptardy damytý jáne qoldaý, qalalardyń ekonomıkalyq áleýetin arttyrý men joǵary tehnologııa salalarynda jumys oryndaryn ashý máselelerin talqylady.
Almaty delegatsııasy Gonkongtyń josparlaý jáne ınfraqurylym jónindegi kórme galereıasynda da boldy, munda megapolıster aldynda turǵan mindetter, olardy sheshý joldary týraly aıtyldy.
«Búgingi kúni Gonkong turǵyndary óte tyǵyz ornalasqan, bir sharshy metr 6 myńǵa jýyq adamdy quraıdy. Qalanyń jańa aýdandaryn josparlaýda kólikpen qamtamasyz etý mańyzdy. Gonkongte 7,2 mln adam turady, 730 myń avtomobıl bar, joldardyń uzyndyǵy 2100 km. ıAǵnı, bir kılometr jolda 350 mashına júredi. Sondyqtan, Gonkong turǵyndarynyń 90% qoǵamdyq kólikti paıdalanady. Avtomobıl - qymbat, onyń ústine baǵasy saǵatyna 30-40 gonkongtik dollardy quraıtyn kólik turaǵyn tabý qıyn. Sońǵy jyldary qala ortalyǵynda kólik turaǵy azaıyp, ekologııany jaqsartý sharalary júzege asýda», - dep túsindirdi Gonkongti damytý jónindegi hatshynyń orynbasary Lıý Chýn San.
Jumys saparynyń qorytyndysy boıynsha keler jyly Almatyda Gonkongtiń saýdasyn damytý jónindegi Keńes ókildigin ashý týraly kelisimge qol jetti. Bulardan ózge, Gonkong pen Almatyda saýda, ınvestıtsııa, ınnovatsııa jáne ShOB boıynsha yntymaqtastyqty nyǵaıtý úshin «Almaty» áleýmettik kásipkerlik korporatsııasy men Gonkongtiń saýdany damytý Keńesi arasynda qajetti memorandýmǵa qol qoıyldy.
