Baıbek almatylyqtardyń sany 3 mıllıonǵa qashan jetetinin aıtty
ALMATY. QazAqparat - Almaty halqy jylyna 50 myń adamǵa artyp keledi. Bul týraly búgin turǵyndarmen eseptik kezdesýinde qala ákimi Baýyrjan Baıbek aıtty, dep habarlaıdy QazAqparat tilshisi.
«Almatydaǵy ómir súrý sapasynyń joǵarylyǵy adamdardy osynda kóship kelýge yntalandyrady. Jyl saıyn qala halqy 50 myń adamǵa artyp keledi. 15 jylda Almaty halqy 3 mıllıonǵa jetip qalady», - dedi ákim.
Shahar basshysy olardyń áleýmettik jaǵdaıyn jasaýdy, jumyspen qamtý máselesin sheshýdi basty nazarǵa alyp otyr.
«Bizge ekonomıkany qaıta qurylymdaý kerek. 700 myń jańa jumys orny kerek. Kóptegen saýda jelileri fýnktsııalaryn avtomattandyryp jatyr. Adamdardyń kópshiliginde jumys tapshylyǵy bolady. Adamdar sonda qaıda barady? Olardy oqytý joldaryn oılaný kerek», - dedi ákim.
