Baıbek almatylyq jastarmen kezdesti
ALMATY. QazAqparat - Almaty ákimi Baýyrjan Baıbek «Rýhanı jańǵyrý» baǵdarlamasy aıasynda Alataý aýdanynda ornalasqan «Almaty Zhastary» ortalyǵynyń ashylýyna qatysty, dep habarlaıdy «QazAqparat» tilshisi qalalyq ákimdiktiń baspasóz qyzmetine silteme jasaı otyryp.
Kezdesý barysynda qala jastaryn tolǵandyratyn máseleler talqylandy. Almatylyq jas býyn qazaq tiliniń latyn árpine kóshýin qoldaıtynyn jetkizdi. Sonymen qatar, qala basshysy «Dúısenbilik fýtbol-2017» jobasyna qatysýshylarmen kezdesti. Jańa ortalyq atletter aýylynyń aýmaǵyna ornalasqan. Almaty ákimi kovorkıng ortalyǵynyń,shyǵarmashylyq sheberhanasynyń, jastardyń jumysqa ornalasýyna, kásipke beıimdelýine, jastar arasynda kásipkerlikti damytýǵa qyzmet kórsetetin ortalyq qyzmetin kórdi.
«Barlyq qyzmet túri, sheberlik synyptary, semınar-trenıngter tegin kórsetiledi jáne barlyq klýbtarǵa aqysyz kirýge bolady. Tipti, aǵylshyn tili men kompıýterlik saýat ashý kýrstary da tegin júrgiziledi. Tek Alataý aýdanynyń ǵana emes, Almaty qalasynyń jastary da ortalyqtyń qyzmetin paıdalana alady», - dedi qala stýdentteri Alıansynyń basshysy Sandýǵash Sandybaeva.
