Baıaý ınternet tutynýshylardyń júıkesine keri áser etedi - zertteýshiler
ASTANA. QazAqparat - Shvetsııanyń Ericsson kompanııasy Mobility Report atty zertteýin jarııa etti, onda ınternet baılanysynyń sapasy men onyń uıaly baılanys operatory abonentterine áseri qarastyrylǵan.
Cnews saıtynyń habarlaýynsha, onlaın vıdeonyń alty sekýndqa kidirýi paıdalanýshyǵa matematıkanyń kúrdeli esebin shyǵarý nemese qubyjyq týraly kıno kórýmen áseri birdeı streske shaldyqtyrady eken.
Zertteýshiler ınternettiń baıaýlyǵyna qatysty adamdardyń emotsııalyq reaktsııasyn neırotehnologııamen baǵalaǵan. Bul kezde synaqtan ótýge qatysqandar smartfondy paıdalanǵan. Saıtty jáne vıdeokontentti júkteý kezinde týyndaǵan kidiris saldarynan paıdalanýshylardyń 38 paıyzynyń júrek soǵysy jıilep, júıke júıesi syr bere bastaǵan.
Zertteý qorytyndysynda, júkteý jyldamdyǵy jaqsy bolsa tutynýshylar senimi 4,5 satyǵa joǵarylaıdy, al kidirisi kóbeıse bul kórsetkish 4 satyǵa tómendeıdi dep kórsetilgen. ıAǵnı, qyzmet sapasyna kóńili tolmaǵan klıentter basqa operatorǵa aýysýdy oılaı bastaıdy.
