Baıanǵalı Álimjanovqa Qyrǵyzstannyń eńbek sińirgen qaıratkeri ataǵy berilýi múmkin

BІShKEK. QazAqparat – Qyrǵyzstannyń memleket qaıratkerleri men aqsaqaldary Qazaqstan mádenıet qaıratkeri, aqyn, manasshy Baıanǵalı Álimjanovqa Qyrǵyz Respýblıkasynyń mádenıetine eńbek sińirgen qaıratkeri ataǵyn berýdi usyndy, dep habarlaıdy QazAqparat tilshisi.

Búgin Bishkekte ótken Qazaq-qyrǵyz zııalylarynyń IV forýmynda Baıanǵalı Álimjanov «Manas» jyrynan úzindi aıtqan bolatyn. Forýmǵa jınalǵan qyrǵyz eliniń zııaly qaýymy aqynnyń ónerine tánti bolyp, qoshemet kórsetti.

Budan buryn habarlanǵandaı, atalǵan forým QR Prezıdenti Qasym-Jomart Toqaevtyń Qyrǵyz eline memlekettik sapary qarsańynda ótti.

Aıta keteıik, «Bekem baýyrlastyq baılanystar» taqyrybyndaǵy osy forýmda QR Prezıdentiniń kómekshisi Máýlen Áshimbaev qazaq pen qyrǵyzǵa ortaq tulǵalar týraly tanymdyq kitaptar shyǵaryp, fılmder túsirýge shaqyrdy.

Sonymen qatar ol Qazaqstan men Qyrǵyzstan zııalylary men ǵalymdarynyń basqosýy asa qajet ekenin aıtty.