Baıanaýyldyqtar «Kıeli Qazaqstan» ekspedıtsııasyn qarsy aldy

PAVLODAR. QazAqparat - Baıanaýyldyqtar aýdan ákimi Orazgeldi Qaıyrgeldınovtyń basqarýymen oblys shekarasynda «Kıeli Qazaqstan» ekspedıtsııasyn qarsy aldy, dep habarlaıdy ravlodarnews.kz.

Ekspedıtsııa QR Mádenıet jáne sport mınıstrligi Týrızm ındýstrııasy komıtetiniń tapsyrysy boıynsha «Rýhanı jańǵyrý» baǵdarlamasy aıasynda qolǵa alynǵan. Uıymdastyrýshy «Kazakh tourism» UK» AQ. «Kıeli Qazaqstan» ekspedıtsııasynyń serııasy rýhanı mura nysandaryn jan-jaqty zertteýge baǵyttalǵan.

Kıeli oryndar-Qazaqstan jeriniń ejelden túrli rýhanı tájirıbeler men dúnıetanymdardyń úıi bolǵanyn aıǵaqtaıtyn jandy dálel.

Baıanaýyl ulttyq parkinde Ertis óńiriniń kıeli kartasyndaǵy 80% núkte ornalasqan, onyń ishinde Qońyr áýlıe úńgiri bar. Ańyz boıynsha, ol úmit artqan adamdarǵa ata-ana bolýǵa kómektesedi.