Baıanaýyldaǵy Sabyndykólde sholý alańy paıda bolady
Óńir ákimi Asaıyn Baıhanov óziniń Instagram-paraqshasynda jazǵandaı, ol Baıanaýylǵa baryp, aýdan ákimi Ardaq Ksentaevpen birge bıyl jáne kelesi jyly iske asyrylatyn birqatar iri jobalardyń ornalasatyn oryndardyn qarady.
«Solardyń biri, Baıanaýyl turǵyndary, ásirese, jastar úshin óte mańyzdy – dene shynyqtyrý-saýyqtyrý kesheniniń qurylysy. Ol aýdan ortalyǵyna kire beris jerde ornalasady. Oǵan kórshiles aýmaqta qonaqtarǵa arnalǵan vızıt-ortalyq paıda bolady. Munda ólkeniń tarıhymen, eń qyzyqty týrıstik baǵyttarmen tanysyp, olardy aralaý boıynsha qyzmetterdi ala alady», - dedi A.Baıhanov.
Budan bólek, Sabyndykól jaǵalaýyn da abattandyrý kózdelgen.
«Jergilikti bıliktiń nazarynan tys qalǵan Sabyndykól kóliniń jaǵalaýyn abattandyrýdy bastaýdy josparlap otyrmyz. Aýdan ákimimen sholý alańy ornalasatyn oryndy qarap, jaǵajaıdy jaqsartý perspektıvalaryn zerttep, tıisti aýmaqta tártip ornatý boıynsha jumystardyń aýqymyn baǵaladyq.
Aýdan basshysynyń aıtýynsha, kelesi jyly Baıanaýyldyń ózinde ornalasqan Dańq memorıalyn jóndeý jáne ǵashyqtar saıabaǵyn qaıta jóndeý jumystaryn júrgizýdi josparlaýda. Munda jaryq shamdaryn ornatýǵa, aǵash otyrǵyzýǵa jáne gúlzarlar salýǵa nıetti. Men bul isterdi maquldadym.
