Baıanaýyldaǵy órtti tolyq sóndirýge ne kedergi bolyp otyr
NUR-SULTAN. QazAqparat - Baıanaýyl ulttyq parkindegi órt oshaqtary áli de sóngen joq. Bul týraly Tótenshe jaǵdaılar komıtetinde ótken brıfıngte aıtyldy, dep habarlaıdy QazAqparat tilshisi.
«Búgin tańerteń saǵat 8-de áýedegi barlaý jumystaryn júrgizýge talpynys jasaldy, biraq jel sekýndyna 16-20 metr jyldamdyqpen soqqandyqtan, tikushaq usha almady. Órtti aýyzdyqtaýǵa departament pen orman kúzetinen jalpy sany 130 adam jáne 7 tehnıka tartyldy. Keshe aıtqanymdaı, perımetr boıynsha órt taralmaǵan. Órt ishinde áli de oshaqtary bar»,- deıdi QR ІІM Tótenshe jaǵdaılar komıtetiniń tóraǵasy Vladımır Bekker.
Osy sebepti órtti oqshaýlaý jáne sóndirýdi toqtatý týraly sheshim qabyldanbaǵan.
Aıta keteıik, 22 qyrkúıekte Pavlodar oblysy Baıanaýyl ulttyq parkinde órt bastalǵan. Órttiń boljamdy aýmaǵy - 93 ga. Qaza bolǵandar men zardap shekkender joq.
Buǵan deıin Tótenshe jaǵdaılar komıtetiniń tóraǵasy ótken táýlikte Shyǵys Qazaqstan oblysynda 300 gektar aýmaqtaǵy shóp órtengenin aıtqan bolatyn.
