Baıanaýyldaǵy órt naızaǵaıdan shyqqan bolýy múmkin - TJD
PAVLODAR. QazAqparat – Baıanaýyl ulttyq parkindegi órt sóndirildi, dep habarlaıdy QazAqparat Pavlodar oblystyq TJD-ǵa silteme jasaı otyryp.
3 tamyzda 13:39-da Baıanaýyl aýdany Toraıǵyr aýylyndaǵy Baıanaýyl kentinen 40 shaqyrym qashyqtyqta, Baıanaýyl memlekettik ulttyq tabıǵı parkiniń aýmaǵynda orman men qurǵaq shóp órtendi.
Oqıǵaǵa órt qaýpiniń 5 deńgeıi berildi.
«4 tamyzda 12:15-te 0,3 gektar aýmaqty sharpyǵan órt tolyqtaı sóndirildi. Eshkim zardap shekken joq. Órt jaı túskennen bolýy múmkin. Ony komıssııa tekseredi», - delingen habarlamada.
Barlyǵy TJD, ulttyq tabıǵı park, erikti órt sóndirý qurylymdarynan 51 adam, 13 tehnıka jumyldyryldy. Sondaı-aq, TJK qutqarý avıatsııasy men ulttyq tabıǵı parkten 2 tikushaq tartyldy.
TJK «Qazavıaqutqarý» AQ-nyń MI-706 tikushaǵy (kólemi 3 tonna bolatyn sý shashatyn qurylǵy) 19 ret 57 tonna sý shashty.
