Baıanaýylda úsh eldiń stýdentteri qazba jumystaryn júrgizedi
ASTANA. QazAqparat - Pavlodar oblysynda Qazaqstan, Mońǵolııa, Reseı elderiniń 150 geograf jáne arheolog stýdentteriniń basyn qosqan «Han Qoryq» jastar festıvali bastaldy.
Óńirlik kommýnıkatsııalar qyzmetinde ótken baspasóz máslıhatynda PMPI prorektory Erbol Isaqaev atap ótkendeı, Baıanaýylǵa 12 qazaqstandyq jáne tórt shet el oqý oryndarynyń stýdentteri attanady, dep habarlaıdy pavlodarnews.kz .
Sharany QazaqGeography Qazaqstan ulttyq geografııalyq qoǵamy, Pavlodar memlekettik pedagogıkalyq ınstıtýty jáne «Pavlodar geografııa úıi» qoǵamdyq birlestigi uıymdastyrýda.
«Ulttyq saıabaq aýmaǵynda ǵylymı-tanymdyq zerthana ashylyp, tarıhı-arheologııalyq, ekologııalyq-bıologııalyq jáne geologııalyq-geografııalyq zertteýler júrgiziledi. Jastar Toraıǵyr kólindegi aspan asty murajaıyn tamashalap, qazba jumystaryna qatysady, bulaqtardy tazalap, sırek ósimdiktermen jumys istemek. Stýdentterdi tosyn syı kútip tur, biz Qyrǵystan, Reseı men Qazaqstannan restavratorlardy shaqyrdyq. 26 shilde kúni Jasybaıda úsh kúndik týrnır ótedi. Tarıhı jekpe-jekterdi qaıta jańǵyrtyp, sharaǵa 70-ten astam jas qatysatyn bolady», - dedi Erbol Isaqaev.
29 shilde kúni qatysýshylar «Ertis dýmany» merekesin atap ótedi, 30 shilde kúni ekologııalyq máselelerge baǵyttalǵan dóńgelek ústelge qatysady.
