Baıanaýylda taýdan qulaǵan bala esin jıdy
ASTANA. QazAqparat - Týrıstik demalys kezinde bas mı jaraqatyn alǵan ul bala esin jıdy, dep habarlaıdy pavlodarnews.kz.
Bul týraly oblystyq densaýlyq saqtaý basqarmasynyń baspasóz hatshysy Elmıra Temirǵalıeva aıtty.
"Bala esin jıdy. Dárigerlerdiń suraqtaryna ymmen jaýap beredi. Qazirgi tańda jansaqtaý bóliminde jatyr. Tıisti em sharalaryn qabyldaýda", - dedi ol.
Eske sala keteıik, Baıanaýyl memlekettik ulttyq tabıǵı parkinen bir shaqyrym jerde toǵyz jasar bala qulap jaraqat alǵan. Omyrtqasyn zaqymdaǵan jáne bas mı jaraqatyn alǵan jetkinshek sanavıatsııa arqyly oblystyq balalar aýrýhanasyna jetkizilip, eki táýlik boıy komada jatqan.
