Baıanaýylda shańǵy bazasy bar, qar joq
PAVLODAR. QazAqparat - Qar az jaýýyna baılanysty Baıanaýyldyń Myrzashoqy taýyndaǵy shańǵy bazasynda qıyndyqtar týyp jatyr, dep habarlaıdy «QazAqparat» HAA tilshisi.
Oblys ákimniń baspasóz hatshysy Azamat Báıtenovtyń aıtýynsha, bolashaq shańǵy bazasyndaǵy barlyq jumystar oıdaǵydaı júgizilgen, tek shańǵy jolyna qajetti mólsherde qar joq.
«Jumys áý bastan qıyndyq týǵyzdy. Taýǵa beton tireýishterdi ornatý, beton aralastyrǵysh qurylǵyny bıikke shyǵarý ońaı bolǵan joq. Qazir máseleniń bári óz kezegimen sheshilip keledi. Shańǵy joly 2018 jyldyń birinshi toqsanynda paıdalanýǵa beriledi dep josparlanǵan», - deıdi Azamat Báıtenov.
Baıanaýyl aýdanynyń ákimi Orazgeldi Qaıyrgeldınovtyń aıtýynsha, óńirde bıyl qar tym az jaýǵan.
