Baıanaýylda kıikter men arqarlardy qorǵaıtyn tirek beketi quryldy

Bul týraly Baıanaýyl tirek beketiniń top basshysy Manarbek Sadyqov málim etti, dep habarlaıdy pavlodarnews.kz.

«Bıyl naýryz aıynda ǵana ashylǵan kúzet mekemesi Astanadaǵy respýblıkalyq «Ohotzoprom» baqylaý ınspektsııasynyń ortalyq fılıalyna qaraıdy. Búginde munda 10 ınspektor eki aýysym boıynsha jumys isteıdi. Biz Qaraǵandy oblysynyń shekarasynan bastap, Baıanaýyl jáne Maı aýdandarynyń aýmaqtaryn kúzetemiz. Óıtkeni, aqbókender bir jerde ǵana jaıylmaıdy. Janýarlar sáýir aıynyń aıaǵyna qaraı laqtaıtyn kezinde biraz bóligi Semeı aýmaǵyna qaraı aýady da, jazda qaıta Baıanaýyldyń dalasyna keledi. Jalpy, buryn Pavlodardyń qyrynda mundaı ańdar óte sırek bolatyn. Sońǵy jyldary kóbeıip keledi. Qazirgi tańda munda shamamen 4000-daı kıik bar ekenin anyqtap otyrmyz. Sonymen qatar, arqar, maral, bulan sekildi sırek kezdesetin janýarlar da meken etken», - deıdi Manarbek Sadyqov. Mamandar dalanyń atalǵan sulý janýarlarynyń sanyn aldaǵy bes jylda 10 myńǵa jetkizýge bolatynyn aıtady. Ol úshin dala baılyǵyn zańsyz otaıtyn brakonerlerge qarsy memlekettik ınspektorlar da qaýqarly jumys jasaýy kerek. «Kıik óte tez ósetin janýar. Onyń úlkenderiniń kóbi egizden tóldeıdi. Sonymen qatar, Baıanaýyldyń tabıǵaty da mundaı ańdarǵa qolaıly. Ózderińiz bilesizder, taýly jerde boran az bolady, jaıylymyn qar kóp ustamaıdy. Qatty aıaz kezinde de panalaıtyn jer kóp. Tek ańshylardyń oǵynan aman saqtasaq bolǵany. Qazir bizde brakonerlermen kúresýge bar jaǵdaı jasalǵan. Eki topqa GPS navıgatorlarymen jabdyqtalǵan bes tehnıka berilgen. Sondaı-aq, kúzet ınspektorlary sońǵy úlgidegi qarýlarmen, foto jáne beınekameralarmen qamtamasyz etilgen», - deıdi ınspektor..