Baıanaýylda ERG-diń halyqaralyq jastar forýmy ótip jatyr
Halyqaralyq forým Baıanaýylda uıymdastyrylǵan. Bul sharaǵa Qazaqstannyń 12 qalasynan bólek, Kongo Demokratııalyq Respýblıkasy, Ońtústik Afrıka men Mozambık, Mavrıkıı, bir qıyry tipti Brazılııadan jalpy sany 250 jas maman qatysyp jatyr.
Sharanyń taqyryby – «ERG-diń mádenı kody: jańa býyn». Túrli elderden kelgen eýrazııalyqtar bas qosyp, kompanııanyń strategııalyq maqsattaryna qol jetkizý isine korporatıvtik mádenıet qalaı septesetinin talqylady. Búgingi kúnniń eń ózekti syn-qaterlerine tıimdi jaýap qatý joldary pysyqtaldy. Forýmnyń maqsaty – jastardy Top kásiporyndarynyń korporatıvtik mádenıetine baýlý, birtindep ERG-diń jastar keńesin qalyptastyrý.
– Álemniń ár qıyryndaǵy kásiporyndarymyzda bıylǵy jyl – «ERG-diń korporatıvtik mádenıeti» jyly dep jarııalanǵan. Sondyqtan, osy kezeńde jastar forýmynyń ótýi biz úshin erekshe qundy,- dedi ERG-diń Bas atqarýshy dırektory Benedıkt Sobotka.
– Biz korporatıvtik mádenıetti nyǵaıtyp, álemniń ár tarabyndaǵy jas mamandarymyzdy uıystyra alǵanymyzǵa qýanyshtymyz. Erteńimizdiń qalaı damıtyny osy jastarǵa baılanysty ekenin biz jete túsinemiz. Sondyqtan, aldymyzǵa qoıǵan negizgi mindetterdiń biri – personaldyń quziret, daǵdylaryn damytý, qyzmetkerlerge qolaıly perspektıvalar jasaý, jastardyń bastamalaryn barynsha qoldaý.
Qazaqstandaǵy kásiporyndarda jergilikti jastar men keleshegi zor qyzmetkerlerdi qoldaýdy kózdegen birqatar jobalar bar. Máselen, ERG Akademııasy, ERG Digital University, ERG Innovatorlar forýmy, Kásibı mamandar lıgasy, LIFT jastar kadrlyq rezervi, ERG New Leaders, «Stýdentter kásipkerliginiń ekojúıesi» (5000 astam stýdent oqytylyp, kásipkerlik daǵdylaryn meńgerdi), Joǵary oqý oryndaryndaǵy ERG kúnderi jáne t.b.
Afrıkada kompanııa qazir óndiristik kásiporyndardy josparly qýatqa shyǵarýǵa talpynyp jatyr. Toptyń Brazılııadaǵy BAMIN atty enshiles kásiporynynda «Jumys mektebi» (‘Canteiro Escola’) atty bastama qolǵa alynǵan. Ol jastardy kásibı baǵdarlap, mamandyq berip, jumysqa ornalastyrýdy kózdeıdi. Byltyr joba aıasynda bilim alǵan 160 jas maman taıaýda BAMIN kásipornyna jumysqa turady. 2022 jyly 1 myńnan astam jergilikti turǵyndy oqytý kózdelgen.
– Álemde qazir boljaýǵa kelmes shuǵyl ózgerister bolyp jatyr. Munaı salasynda, qyzmetińdi jalǵastyrýdyń jalǵyz amaly – jyldam transformatsııaǵa daıar bolý, - dedi ERG-diń personal jónindegi Bas dırektory Inna Gýbareva.
Sharaǵa onlaın qosylyp, qatysýshylarǵa jalyndy sálem joldaǵan ol: «naqty sizder – jastar, osy úzdiksiz ózgeristiń qozǵaýshy kúshine aınalasyzdar» dep senim bildirdi. Óıtkeni, aýqymdy mıssııany atqarý úshin osyndaı údiksiz ózgerister tolastamaýy tıis. Jastar ERG menedjmentine septesip, mádenı kodty dóp basyp tanyp, álemdegi eń ozyq jumys berýshiler sanatynda qalýǵa yqpal etpek.
Búginde álemniń ár tarabyndaǵy Eurasian Resources Group kásiporyndarynda jalpy sany 75 000 (merdigerlerdi qosa alǵanda) maman jumys istep júr. Sonyń 38% – 35 jasqa tol maǵan jas mamandar. Forým aıasynda ERG-diń Jastar keńesiniń otyrysy ótedi. Ol Toptyń barlyq kásiporyndary, sonyń ishinde sheteldegi aktıvterinde de eńbek etip júrgen jastardy biriktiredi. Olar keleshektegi jastar saıasatynyń basym baǵyttaryn aıqyndap, aldaǵy kúnge jumys josparyn ázirleıdi. Saıyp kelgende bul korporatıvtik mádenıetti nyǵaıtyp, kompanııanyń maqsattaryna jetý isine jastardy keńinen tartýǵa septespek.
ERG-diń óndiristik aktıvteri Qazaqstannan bólek Brazılııa men Afrıka elderinde de ornalasqan. Ondaǵy óndiris kólemi de jyl saıyn ulǵaıyp, Toptyń kórsetkishterin nyǵaıtýǵa súbeli úles qosyp keledi.
