Baıanaýylda eki jerde dala órti boldy
NUR-SULTAN. QazAqparat - Baıanaýyl aýdanynda eki jerde dala órti oryn aldy. Tilsiz jaý Sátbaev aýyldyq okrýgi men Jańajol aýyldyq okrýgine qarasty jerlerdi sharpydy, dep habarlaıdy Pavlodarnews.kz tilshisi.
Pavlodar oblystyq tótenshe jaǵdaılar departamentiniń baspasóz qyzmetiniń málimdeýinshe, órt týraly habarlama saǵat 13:35-te túsken. Sátbaev aýyldyq okrýgine qarasty Shoqtaý ýchaskesinde (110 km) qurǵaq shóp janǵan.
Dala órtin sóndirýmen Sátbaev aýylynyń órt sóndirý beketi jáne erikti órt sóndirý qurylymynyń 30 adamy jumyldyrylǵan.- Sonymen qatar Jańajol aýyldyq okrýginde Jańajol aýylynyń mańynda Tasbulaq, Búrkitti, Qajygeldi ýchaskelerinde de qurǵaq shóp órtendi. Tilsiz jaý týraly 12:14-te habar kelip tústi. Órttiń jalpy aýdany 40 gektardy qurady, - delingen habarlamada.
Dala órtin sóndirýge Pavlodar oblysy TJD-niń 4 qyzmetkeri men 1 tehnıkasy, Jańajol aýylynyń erikti órt quramasynan 40 adam jumyldyryldy. Órt saǵat 17:20-da sóndirildi.
