Baıanaýylda eki jasar bala traktordan qulap, kóz jumdy
PAVLODAR. QazAqparat – Baıanaýyl aýdanynda eki jasar bala traktordan qulap, kóz jumdy. Polıtsııa tekserý júrgizip jatyr, dep habarlaıdy QazAqparat Pavlodarnews.kz saıtyna silteme jasap.
Oblystyq polıtsııa departamenti baspasóz qyzmetiniń málimetinshe, 7 shilde kúni saǵat 15:30-da Baıanaýyl aýdany Qarajar aýylynda úıdiń aýlasynda 2019 jyly týǵan bala «MTZ-82» traktorynyń salonynan jerge qulap túsken.
- Sábı aýrýhanaǵa jatqyzyldy. Ókinishke oraı, alǵan jaraqatynan esin jımastan kóz jumdy. Kámeletke tolmaǵan balalardy birneshe sekýndqa da qaraýsyz qaldyrmańyz. Balaǵa bir jerge kóterilýge nemese júgirýge 10-20 sekýnd jetkilikti. Ásirese kishkentaı balalardy nazardan tys qaldyrmańyzdar, - delingen habarlamada.
Tekserý júrgizilip, saraptama taǵaıyndaldy.
