Baıanaýylda boranda joǵalǵan 2 er adam tabyldy
PAVLODAR. QazAqparat - Qańtardyń 17-i kúni saǵat 21.45-te Baıanaýyl aýdany, Qyzyltaý aýyldyq okrýgi, Leker aýylynyń Maýke ýchaskesinde izdestirý jumystary júrgizildi, dep habarlaıdy pavlodarnews.kz.
Bul týraly oblystyq TJD baspasóz qyzmeti málim etti. - Baıanaýyl aýylynan 35 shaqyrym qashyqtyqta TJ departamentinen 4 qyzmetker, 1 tehnıka jáne joǵalǵan adamnyń týysy izdestirý sharalaryna jumyldyryldy. Saǵat 17:00-de Maýke ýchaskesinen ÝAZ avtokóligimen shyqqan 1988 jáne 1989 jyly týǵan eki er adam joǵalyp ketken, - deıdi departamentte.
18 qańtar kúni saǵat 02.20-de TJD izdeý toby olardy Maýke ýchaskesinen 1.5 shaqyrym qashyqtyqta taýyp, Baıanaýyl aýylyna alyp keldi. Eki azamattyń da jaǵdaıy qanaǵattanarlyq, medıtsınalyq kómek qajet bolmady.