Baıanaýylda ashyq aspan astyndaǵy mýzeı qurylady
Bıyl oblysta «Uly dala» etnofestıvalin Baıanaýylda ótkizý josparlanyp otyr. Qazaqstannyń týrıstıfıkatsııa kartasyna engen úzdik 10 jobanyń ishinde Baıanaýyl demalys oryny bar. Munda jylyna 200 myńnan astam adam demalady. Sońǵy eki jylda týrızmdi damytýǵa 23 mıllıard teńge tartylǵan.
«Qazaqstannyń kıeli jerleriniń geografııasy» arnaıy jobasy aıasynda oblys eskertkishteri men kıeli nysandardy qaıta qurý jáne qalpyna keltirý boıynsha júıeli jumys júrgizildi. Qajetti ınfraqurylym qamtamasyz etilip, týrıstik baǵyttar, vızıt-ortalyqtar qurylýda. Pavlodar oblysynyń kıeli jerleri kartasyna engizilgen 41 nysannyń beseýi respýblıkalyq sakraldy oryndardyń kartasynan oryn alǵan. Onyń ishinde Baıanaýyl aýdany boıynsha Qońyr áýlıe úńgiri, Jasybaı batyr mazary, Máshhúr Júsip Kópeevtiń kesenesi, Ekibastuz qalasy boıynsha Aqkól-Jaıylma qalashyǵy, Isabek ıshan haziret kesenesin atap ótýge bolady», - deıdi Aıgúl Kenjetaeva.
«Rýhanı jańǵyrý» óńirlik jobalyq keńsesiniń málimetine súıensek, oblystyq mádenıet, muraǵattar jáne qujattama basqarmasy aýdan ákimdikteri jáne PMPÝ-men birge qasıetti nysandardy qorshaý jumystaryn bastaǵan. Esepti kezeńde Ekibastuz ólkesinde Aqbıdaıyq jartasyndaǵy sýretter, Maı aýdanynda Kemertuz jartasyndaǵy sýretter jáne Baıanaýyl aýdanynda Sabyndykól qorymy qorshalǵan.
2018 jyldyń mamyr aıynan qyrkúıek aıyna deıin Ekibastuz qalasynyń, Aqtoǵaı, Ertis, Baıanaýyl, Jelezın, Maı, Pavlodar jáne Sharbaqty aýdandarynyń aımaqtarynda keshendi ǵylymı zertteýler júrgizý kezinde tirkelgen 67 kıeli obektini pasporttaý júrgizilgen. Nátıjesinde 14 jańa nysan anyqtalǵan. Bul Ekibastuz aýyldyq aımaǵynda - Kúreńbaı synshynyń mazary, Túıte áýlıeniń tasy, Áýlıekól kóli, Amandyq sopy mazary, Baıanaýyl aýdanynda - Qońyrbaı halfe, Ábjálap áýlıe mazarlary, Qurmanbaı abyz zıraty, Qyz tamy, Mástek abyz mazary, Sharbaqty aýdanynda - Shaqaý molla mazary, Temirǵalı Núrekenovtyń kesenesi, Aqqýly aýdanynda - Shoqman qoja mazary, Sary báıbisheniń jerlengen orny jáne Aqsý qalasynyń aýyldyń aımaǵynda - Aqmola qorǵany.
Atalǵan keshendi zertteýlerdiń qorytyndysy boıynsha PMPÝ bazasynda «Arheologııalyq jáne etnografııalyq zertteýlerdiń ıntegratsııasy» atty ǵylymı sımpozıýmda Pavlodar oblysynyń kıeli nysandary týraly ǵylymı-kópshilik fılm túsirilgen. Pavlodar memlekettik pedagogıkalyq ýnıversıteti jáne S. Toraıǵyrov atyndaǵy Pavlodar memlekettik ýnıversıtetiniń bazasynda oblystyń kıeli nysandarynyń saıttary qurylǵan.
