Baıanaýyl ulttyq parkindegi jańa aerodromǵa alǵashqy ushaq qondy
ASTANA. QazAqparat - Baıanaýyl ulttyq parkinde salynyp jatqan jańa aerodrom synaqtan ótti. Sarapshylardyń aıtýynsha, ushý alańy kez kelgen jeńil avıatsııany qabyldaı alady, dep habarlaıdy 24.kz.
Eki kisilik FK14 Polaris áýe kemesiniń komandıri Valerıı Sıbagatýlın: «ushý alańynyń sapasy jaman emes», - degen baǵa berdi.
«Alańǵa eki, úsh, tórt jáne alty oryndyq jeńil ushaqtar ushyp-qona alady», - deıdi Qaraǵandy avıatsııalyq oqý-jattyǵý ortalyǵynyń emtıhan qabyldaýshysy jáne tájirıbeli pılot, nusqaýshy Valerıı Sıbagatýlın.
Ol ózi eńbek etip jatqan ortalyq Baıanaýylǵa ushatyn shaǵyn ushaqtardy basqarýǵa mamandar daıyndaýǵa ázir ekenin de jetkizdi. Aerodrom tolyq salynyp bitken joq. Qazir abattandyrý jumystary júrip jatyr. Aǵymdaǵy jyldyń shilde aıynda qoldanysqa berilmek.
Astana, Qaraǵandy, Pavlodardan áýe qatynasy ashylady dep josparlanyp otyr.
