Baıanaýylǵa erekshe mártebe berý kerek - Arsıýtın

ASTANA. KAZINFORM – Baıanaýylǵa biregeı tarıhı, ǵylymı jáne týrıstik áleýeti bar aýmaq retinde erekshe mártebe berý kerek. Bul týraly Premer-Mınıstrge saýal joldaǵan Májilis depýtaty Nıkolaı Arsıýtın aıtty.

- Óńirlerdiń mádenı murasyn saqtaý jáne strategııalyq damytý maqsatynda Pavlodar oblysyndaǵy aýdan ortalyǵy - Baıanýylǵa biregeı tarıhı, ǵylymı jáne týrıstik áleýeti bar aýmaq retinde erekshe mártebe berý týraly máseleni qarstyrýdy usynamyn, - dedi depýtat.

Onyń atap ótýinshe, Baıanaýyl aýdan ortalyǵyna erekshe mártebe berý keshendi áleýmettik-ekonomıkalyq tıimdilik beredi. Atap aıtqanda, kóptegen jumys orny qurylyp, shaǵyn jáne orta bıznes jandanady. Óńirdiń ınvestıtsııalyq tartymdylyǵy artyp, jergilikti jáne respýblıkalyq bıýdjetke salyq túsimderi ulǵaıady. Halyqtyń ómir súrý sapasy jaqsaryp, aýdanǵa bilikti mamandardyń oralýyna jol ashady. Kólik, kommýnaldyq, tsıfrlyq jáne áleýmettik ınfraqurylymdar jańǵyrtylady. 

- Joǵaryda aıtylǵandarǵa baılanysty beıindi mınıstrlikterge – Mádenıet jáne aqparat, Ǵylym jáne joǵary bilim, Týrızm jáne sport mınıstrliktperine Pavlodar oblysynyń ákimdigimen birlesip, Baıanaýyl aýdan ortalyǵyna erekshe mártebe berý týraly máseleni pysyqtaýdy tapsyrýdy usynamyz, - dedi Nıkolaı Arsıýtın.

Buǵan deıin Baıanaýyldyń taý-tasyn únemi maqtan tutyp júretin jan - Taısııa Naýmova jaıynda jazǵan edik.