Baıanaýyldyń eldi mekenderi elektr jaryǵyna qosyla bastady
PAVLODAR. KAZINFORM — Dúleı daýyldyń saldarynan jaryqsyz qalǵan Baıanaýyl aýdanynda elektr jelilerin qalpyna keltirý jumystary jalǵasyp jatyr. Qazirgi sátte birneshe eldi mekenge jaryq berilgen.
— Aýa raıynyń qolaısyzdyǵynan aýdan kóleminde elektr jaryǵy óship qalǵan edi. Qazirgi ýaqytta Baıanaýyl aýylyna jaryq berildi. 140-shy torap qosyldy. Jaryq bir saǵat ishinde qaıtadan óshiriledi. Mynaý Aleksandrovka stansasy qosylady. Josaly, Leker, Kúrkeli aýyldyq okrýgterinde, Baıanaýyl aýylyndaǵy eki kóshede jaryq qosyldy. Elektr taratý kompanııasy jóndeý jumystaryn júrgizip jatyr, — dep habarlady Baıanaýyl aýdanynyń ákimi Ardaq Kisentaev.
Sondaı-aq aýdan basshysy aq tútek borannyń saldarynan Baıanaýyl men Maıqaıyń kenti arasyndaǵy jolda biraz avtokólikter turyp qalǵanyn jetkizdi. Oǵan oblystyq jáne aýdandyq tótenshe jaǵdaılar qyzmetiniń kúshteri, Maıqaıyń kentiniń órt sóndirýshileri jumyldyrylyp, evakýatsııalyq jumystardy júrgizip jatyr.
Buǵan deıin daýyldyń saldarynan Baıanaýyl aýdany jaryqsyz qalǵanyn jazǵanbyz.